Delhi sorkarin thupek zawm lote thlalak thawnna tur siam

Delhi sorkar chuan khawpui chhung boruak bawlhhlawh tihziaawm a nih theih nan kawng hrang hrangin hma a la mek a, official-te pawh thupek zawm lote vai fo turin a ti. Delhi pollution control committee pawhin National Green Tribunal thupek zawm lo a, bawlhhlawh leh  hnimhnah ro haltute thlalak thawnna tur WhatsApp number pahnih a siam a, heng number-ah hian complaint a thehlut theih bawk a ni. 

Delhi environment minister Imran Hussain chuan Thawhlehni khan Delhi air quality review meeting a ko a, meeting-ah hian Delhi sorkar chuan agency hrang hrangte chu khawpui bawlhhlawh zel tur venna tura ruahmanna ṭha tak an siam thei anih chuan sumin a pui thei reng tih a sawi. 

Minister chuan agency hrang hrangte chu pawn lama bawlhhlawh hal khap tur leh, in sakna hmuna vaivut leng vel dang turte a hma la turin a ti a ni. Municipal corporation leh revenue department-te pawh kawngpuia insakna bungrua chhawp ṭhinte veng turin a ti bawk a, hei hi boruak tibawlhlawlh ṭhintu pakhat a nih thu a sawi. Ni sarih chhungin kawngpuia in sakna tur hmanrua chhawp engmah a awm lo tih tichiang a, report thehlut turin corporation-te pawh hriattir an ni bawk. 



Share this Post

Login to comment
No Comments