Congress-in account lem chhui chian phut

Congress party chuan Maharashtra Cheif Minister Devendra Fadnavis hnenah state sorkarin loneitute loan bat a ngaihdamna kal zelah, he hamṭhatna dawngtu mi nuai 89 zingah account lem nuai 22 a awm nia sawi chu chhui chiang turin a phut. 

Maharashtra chief minister hlui Prithviraj Chavan chuan October 31 aṭang khan loneitute loan ba ngaihdamna tur hian cheng vaibelchhe 34,022 pekchhuah a ni dawn tih a sawi a, mahse Chief Minister Fadnavis leh a kaihhruai sorkar chuan he hamṭhatna dawng tura sawi mi maktaduai 89 zinga nuai  22 te account chu a lem, a neitu tak awm lo an ni tih alo sawi tawh a ni, a ti. State Bank official te pawhin heng account-te hi 'ghost account' tiin an sawi tih a tarlang bawk. 

Chavan chuan media report hrang hrangah loan ba ngaihdamna tura budget duan chu cheng vaibelchhe 10,200-ah tihhniam a ni tawh nia a lan thu a sawi. Reserve Bank of India Governor hnenah pawh lehkha thawnin, ghost account chungchang hi a zawtchiang a, mahse chhanna a la dawng lo tih a sawi. 



Share this Post

Login to comment
No Comments