Legislator-te banna tur thla thuma tihfel tur : RS chairman

Vice president, Rajya Sabha chairman ni bawk, Venkaiah Naidu chuan legislator-te disqualify tura ngenna petition lutte chu thla thum chhunga ngaihtuah fel zel turin a ti a, presiding officer-te chuan an tikhawtlai tur a ni lo, a ti. 

Janata Dal (United) in an party hruaitu Sharad Yadav leh Ali Anwar Ansari te chu party duhdan kalha che a, anmahni duhthu ang ngeia party chhuahsana sawi a Rajya Sabha member an nihna hlihsak tura an ngenna chu Naidu hian Thawhṭanni khan a remtihsak a, member an nihna hlihsak an nih thu a puannaah he thu hi a sawilang a ni. 

Naidu chuan state ṭhenkhatah legislator ban tura petition thehlutte chu thla eng emaw zatte tihkhawtlai a nih ṭhin thu sawiin, politics lama thil fel lo awm te chinfel thuai a nih theihna turin heng thubuaite hi thla thum chhunga chinfel zel a ngai a ni, a ti. 



Share this Post

Login to comment
No Comments