Mamata-in Tagore-in lei a duh

West Bengal Chief Minister, Trinamool Congress hruaitu Mamata Banerjee-i chuan London-a Rabindranath Tagore-a in chu lei a duh tih a sawi. 

Kum 1912 khan Rabindranath Tagore hi London-a a inah hian thla rei vak lo chengin, a awm chhung hian 'Gitanjali' pawh a let hmang a ni. Poem hrang hrang a ziahna, Gitanjali vang hian kum 1913 khan 'Nobel prize in literature' pawh a lo dawng tawh a ni. He in hi Tagore-a ngaisangtute tan hmun hlu tak a ni. 

West Bengal CM hian London hmarlam, Hamstead Heath-a Heath Villa hi lei a, museum-cum-memorial-a siam a duh a ni. Banerjee-i hian hemi chungchang hi Britain-a Indian High Commissioner Dinesh Patnaik pawh a sawipui tawh a ni. He in hi pound maktaduai 2.7 man vel nia chhut a ni. 



Share this Post

Login to comment
No Comments