FTII chairman thar atan Anupam Kher ruat

Film and Television Institute of India (FTII) chairman thar atan actor Anupam Kher ruat a ni a, television actor Gajendra Chauhan a thlak ang. 

Kum 62 mi, Anupam Kher hi kum 2004 khan Padma Shri hlan a ni a, 2016-ah Padma Bhushan  hlan a ni leh bawk. Central Board of Film Certification leh National School of Drama-ahte chairman a lo ni tawh bawk a ni. 

FTII chairman kalchhuak tur, Gajendra Chauhan hi chairman atana ruat a nih chungchanga sawiselna a tam hle a, zirlaite chuan politics lama induhsakna vanga ruat nia sawiin, an duh lohna lantirin ni 140 zet lungawi lohna an lo lantir tawh a ni. FTII chairman post chelh turin a qualify lo niin an ngai. 



Share this Post

Login to comment
No Comments