Pakistan-in Amritsar hnaihah lei a verh

Pakistan chuan Mianwala district-ah lei verh zau tak a siam mek a, he leiverh hi Amritsar aṭanga km 350 leh, New Delhi aṭanga km 750-a hlaa awm a ni. 

Leiverh hi meter 10-a sang leh zau a ni a, a luhna leh chhuahna gate hran a awm bawk. He leiverh hian India tan a hlauhthawnawm dawn em tih hriatchian ala ni lo. 

World Is One News (WION) in a report danin,  leiverh hian kawng zau tak a pawh a,  lei verhna hmun hi mipui tlawh theih loha khar a ni a, a hungna pawh tha taka siam a ni. Leiverhah hian nuclear ralthuam 12-24 vel a dahṭhat theih nia sawi a ni bawk.

Pakistan leiverh hi a hmain hmuhchhuah a lo ni tawh bawk a, September 30 khan secuirty force-te chuan Jammu and Kashmir-a Jammu district-a international border-ah leiverh, feet 14-a thui an lo hmuchhuak tawh bawk a ni. 



Share this Post

Login to comment
No Comments