Nupui kum 18 tling lo neite pawngsual thubuai siamsak theih

Supreme Court chuan mipa, nupui kum 18 la tling lo neiten a nupui chu mipat hmeichhiatna a hmanpui a nih chuan pawngsuala ngaih a nih thu a sawi. 

Court chuan hmeichhia hian kum khat chhunga complaint a thehluh chuan a pasal hi pawngsual thubuai siamsak theih a ni, a ti. 

India ramah hian pawngsual chungchang leh child marriage law hi kum bihthliahah a in kalh a ni. Indian Panel Section 375 chuan hmeichhia kum 18 hnuai lam mutpui an nih chuan pawngsualah a ngai a, mahse child marriage law hnuaiah chuan hmeichhia hi kum 15 a tlin chuan, a remtihna tello pawhin a pasal chu mutpui phalsak ani thung a, pawngsuala ngaih a ni lo. 

Mahse nimin khan Supreme Court chuan hemi chungchangah hian thupek tichhuakin, pasal nei lai pawh ni se hmeichhia chu kum 18 a la tlin loh a, a pasalin a mutpui a nih chuan pawngsual anga ngaih a ni, a ti. 



Share this Post

Login to comment
No Comments