Kerala CM hlui chhui dawn

Kerala Chief Minister hlui Oommen Chandy leh midangte chu cheng maktaduai 7 tihchingpenna, solar scam kaihnawihah chhui chian an ni dawn. 

September thlaa Justice (retd) G Sivarajan-a kaihhruai Solar Scam Commission-in report a thehluh benchhanin, CM hlui leh midangte hi chhui chian a ni dawn tih Chief Minister Pinarayi Vijayan chuan a sawi. Chhui chian tur zingah hian Chandy bakah a cabinet minister hlui  Thiruvanchoor Radhakrishnan, Aryadan Mohammed  leh Congress MLA hlui Thampanoor Ravi leh Benny Behanan te an tel. 

Solar scam hi hmeichhe pakhat, Saritha Nair-i firm phuahchawp nena inkaihhnawih ani a, Nair-i hian thuneitu sang, political leader-te puihnain a firm-a investment ti turin mi tam tak a bum a ni. He thil thlenga mawhphurtu bera puh, Nair leh Biju Radhakrishnan te chu nikum December thla khan thiam loh chantirin, kum thum tang tur leh, Rs 10,000 ve ve chawi turin hrem an lo ni tawh a ni. Nair-i hi bail-in a chhuak a, Radhrakrishna erawh chuan a nupui hmasa, Reshmi-i thaha puhna thubuaiah jail-ah a tang mek a ni. He inbumna thlen hun hi kum 2013 chho niin, Kerala-a Congress sorkar a tlakna chhan pakhat pawh a ni. 




Share this Post

Login to comment
No Comments