Thuhretu atan BJP president ko

BJP president Amit Shah chu kum 2002-a Naroda Gam intualvuakna thleng chungchang ngaihtuahnaah Gujarat court chuan thuhretu atan a ko. 

Gujarat special court chuan Naroda Patiya-a intualvuakna thleng chungchanga damchhung tang tura hrem, BJP minister hlui Maya Kodnani-i'n a ngen angin September 18 hian inlan turin a ko a ni.

Maya Kodnani hi qualified gynaecologist niin, Ahmedabad-a Asarwa bialah nursing home a din a, Gujarat-a Narendra Modi a chief minister lai khan women and child welfare minister a ni ṭhin. Kodnani hian April thla khan Naroda Gam-a intualvuakna a thlen lai khan buaina hmunah hian a awm lo tih sawiin, buaina a chhuah lai hian Gujarat assembly, civil hospital, a in leh hmun dangahte a awm tih a sawi a,  hemi finfiah nan hian Amith Shah leh midang 13-te chu thu zawtfiah turin alo ngen tawh a ni. 

Kodnani hi Naroda Gam-a intualvuakna thlenga mi 11 thihna thlengah, tharum thawhna thlen tura mipuite fuihah puh a nia, thiam loh chantir niin damchhung tang tura hrem a ni. Mahse kum 2014 khan a hriselna ṭhat tawk loh avangin bail-a chhuah tir a ni. 



Share this Post

Login to comment
No Comments