J&K border buaina zirchiang turin expert group din dawn

Sorkar laipui chuan Jammu and Kashmir-a ramri biala cheng mipuiten harsatna an tawh hrang hrangte zirchiang turin expert group a din dawn. 

Union Home Minister Rajnath Singh chuan he thu hi nimin khan a sawi a, Pakistan chuan J&K ramri-a inkahhai puan chu Pakistan sipaiten ṭum 400 chuang an bawhchhe tawh niin a sawi. 

Minister chuan, "Pakistan chuan ṭum 400 chuang inkahhai thutlung an palzut tawh a, hetianga an thiltih hi an titawp thuai a ngai a ni. Border area-a cheng mipuiten harsatna an tawk fo a, an harsatna tawhte zirchiang tur hi kan din dawn a ni. Sorkar laipui chuan J&K-a bial pathumte chu hmasawnna rualkhai taka pek vek a duh a, Pradhan Mantri Developmental Project (PMDP) hnuaiah project hrang hrang kalpui mek a ni bawk a ni", a ti. 

Singh chuan Pakistan sipaite chu Line of Control (LoC) bula cheng, civil mite harsatna thlen foah puhin, India sipaite chuan Pakistan sipaite silai hmehpuah hi an chhang let zel tih a sawi bawk. 

Union Home Minister chuan ramria inkahhai puan palzut a, silai hmehpuaha thi chhungte hnena Rs nuai khat pek ṭhin chu cheng nuai nga-ah tihsan tum a nih thu a sawi bawk.



Share this Post

Login to comment
No Comments