Sasikala-i VIP treatment pek dan chhui chian phut

Dravida Munnetra Kazhagam (DMK) chuan Bengaluru-a Parappana Agrahara central prison-a tang mek,  All India Anna Dravida Munnetra Kazhagam (AIADMK) general secretary V Sasikala hnena VIP treatment pek a nih dan chu uluk taka chhui chian an phut tih an sawi.

Deputy Inspector General (DIG) (Prisons) D Roopa-in report a pekah, Sasikala-i hian jail official-te thamna sum a pek avangin jail chhungah hian VIP anga enkawl leh duhsak bik a ni tih a tarlang a ni. DMK chuan Roopa-i report tihchhuah aṭang hian, he thil thlen dan hi uluk taka chhui chian a, a ṭul anga action lak a ngai a ni, a ti. 

DMK chuan Sasikala-i hian tun ṭum hi dik lo taka a thiltih vawikhatna a nih loh thu sawiin, jail tan a pumpelh theih  nan pawh alo damlo der tawh bawk niina sawi. AIADMK chuan sum hmanga engkim chinfel theih an ring a, hei hi a dik loh zia lantir a ngai a ni, a ti. 

Roopa-i'n thamna sum dawnga a puh zingah hian jial official-te bakah Director General (Prisons) HN Satyanarayana Rao pawh a tel. Sasikala-i hian thamna pawisa hi cheng vaibelchhe hnih a pe niin a sawi. Report tihchhuah a nih hnuah hian Karnataka Chief Minister Siddaramaiah chuan thil dik lo titute chungah na taka action lak a nih tur thu a sawi a, hemi chungchang hi chhui chiang turin thupek pawh a tichhuak tawh a ni. 



Share this Post

Login to comment
No Comments