Mamita in sak mekte enfiah

Mamit Joint Village Council chuan nimin zing khan Mamit khawpuia in sate'n vantlang hmun leh kawngpui an hnaih dan leh an nêk dan an enfiah. Mamit Chhimveng V/C chhunga in sa mek zinga vantlang hmun leh kawngpui nêk deuha an ngaihte chu ṭhiata siamṭha turin an hriattir.

Mamit Joint V/C chuan, in sa turte chu an awmna veng V/C hnenah in sak phalna la hmasa vek turin an chah a; V/C-te'n in sak phal/remtihna an pek hmain an endik ang a, a ṭul chuan Land Revenue & Settlement leh UDPA department-te nen an endik bawk ang.

In sa thar turte hun lo la kal zel tur thlir chungin, kawngpui leh vantlang ram nêk loa sa turin Mamit Joint V/C chuan an ngen a; in sakna bungrua pawh kawngpui bulah dah hnawk lo turin an hriattir bawk.

In sakte endiknaah hian Joint V/C hruaitute  bakah, Mamit SDO (Sadar) Victor Lalawmpuia leh PWD hotute an tel a ni.