JAC-in HM-ah ngenna an thehlut
Joint Action Commiitee (JAC) on Inner Line 509 sq.miles Demand chuan November 4, Nilaini khan Home minister Lalchamliana hnenah Mizoram ramri chungchanga ngenna an thehlut.
JAC chuan, Mizoram leh Assam inrìna chingfel thuai tura political party leh NGO zawng zawngte'n JAC hminga Prime Minister hnena Joint Memorandum an thehluh chu Mizoram sorkarin ṭha leh rintlak ti a, sorkar laipuiah thlàwpna/comment a pe chu lawmawm an tih thu an hrilh.
Ramri chungchanga Mizoram ṭan chhan, kum 1875-a notification chhuah tiderthâwng zawnga kum 1933-a notification chhuah chu sawi mawi lo turin Mizote an ngen a; Mizo mipuite chu a tàwp thlenga sorkar thláwp turin a chah bawk.
JAC hian November 4 khan all party leh all NGO meeting an huaihawt a, chuta an thurêlte chu Home Minister hnenah hian an thlen a ni.
Home Minister-a an thlente
→ Schedule Caste and Scheduled Tribe Prevention of Attrocities Act, 1989 tlawhchhana Home Secretary hnena FIR an thehluhin hna a thawh theih nan authority body siam turin.
→ Mizoram mipui mamawh la tura kal Assam rama tangkhang mekte November 7, 2020 tlai dar 5 hma ngeia anmahni leh an bungraw phurhte nen him taka Mizorama hruai chho turin.
→ Hun tiam ral hmaa hmalakna a awm loh chuan all party leh all NGO meeting-in a ṭul anga hmalak.