Covid-19 venna leh dona atan SDRF sum nuai 446 hmang

Coronavirus hri léng kaihhnawihah Mizoram sorkar chuan State Disaster Response Fund (SDRF) sum cheng nuai 446.26 a hmang tawh. Sorkar thuchhuah tarlan danin, sorkar laipuia Ministry of Home Affairs chuan Covid-19 laka invenna leh hmachhawnnaah SDRF hman a nih theih nan March 14, 2020 khan Covid-19 chu notified disaster-ah a puang a; SDRF sum hman theih zat a bituk nghal. 

SDRF hi chhiatrupna a thlena hmalakna tura MHAin state sorkar (Disast er Management & Rehabilitation depart ment) hnena sum a rawn pek ṭhin a ni.

Covid-19 chungchanga hmalakna atan Health & Family Welfare department chuan SDRF sum nuai 321.28 a hmang tawh a, District Disaster Ma nagement Authority (DDMA) 11-te'n cheng nuai 124.98 an hmang tawh. SDRF sumte chu quarantine facility dinna 

leh quarantine-a awmte châwm nan te, Covid-19 veia rinhlelhte sample lâkna leh endik tura phai lama thawn nan te, contact tracing tih nan te, doctor (microbiologist) leh volunteer rawih belhte lawmman atan te, ramri leh airport-a screening tih nan te, invenna hmanrua leh medical bungraw ṭul zual lei nan te, a phurhna tur thlawhna hman (chartered) nan te, thawktute mamawh zualpui leh thil dang ṭul atante hman tura tih a ni