Mizoram an chak

Mizoram-in nimin khan BC Roy Trophy-ah Delhi 2-1 in an hneh a, group A-ah pahnihna dinhmun an luah mek.

Shillong-a inelna neihah hian Mizoram-in Fc Pahnai (8') leh captain Lalpekhlua Jongte (14') te hmangin rang takin goal an khung a, inkhel an thunun bawk. Amaherawhchu Mizoramin ball an chan tam ngaihtuahin goal chance an insiam tam tawk lo a, an chance neih goal-ah an chantir loh bawk avangin goal difference an neih ṭhat loh phah.

Delhi-in Fahad Temuri penalty hmangin minute 75-naah siphurh an sut ṭhen a, Mizoram captain Peka'n hun tawp dawn hnaiah penalty hlah thungin 2-1 in inkhel a tawp. Group A inkhel dangah Goa leh Uttar Pradesh 2-2 in an inhnehtawk. 

February 1, Inrinni hian group match khelh zawh a ni dawn. Mizoramin chawhma dar 9:30-ah Uttar Pradesh an hmachhawn ang a, tlai dar 2:00-ah Goa leh Delhi te an inkhel ang.