Kum sarih hnuah Alicia Keys tour leh dawn

Alicia Keys chuan kum sarih zet tour a neih loh hnuah kumin chhungin tour a nei dawn tih a puang ve leh ta.

'No One' hitmaker hi mipui tam tak hmaah a perform lo rei tawh hle mai a, kuminah erawh intuai thar leh a tum ṭan a ni ngei ang, kumin nipui chung hian Europe leh North America ram hrang hrang tlawhkualin  'Alicia - The World Tour' neih a tum.

Kum 38 lai ni ve tawh, Alicia hian Dublin, Ireland aṭangin a tour hi a ṭan dawn a, Paris, Berlin, Atlanta, Toronto, Chicago, San Francisco, Los Angeles leh a hometown New York City-ahte tour a nei dawn bawk. London O2 arena-ah tour hi a khar ang.

Kum tir lam a ni bawk a, zaithiam hrang hrangin an tour neih hun tur an puanzar hunlai a ni a, kum tam tak a reh hnuah Alicia pawh hian thu thar a rawn nei ve leh ta a ni. Alicia hian 2020 Grammy Awards a host dawn bawk.