Malaysia-ah school 100 chuang khar

Malaysia chhim lamah mihring tana hlauhawm bawlhhlawhte chu luiah paih an nih avangin mi tam tak an dam loh phah a, hei vang hian school 100 chuang zet khar a ni. 

Chhim lama Johor state-ah kar kalte khan motor lianin bawlhhlawhte hi luiah a paih a, an bawlhhlawh paih aṭang hian thil hlauhawm tak khu chhuakin a chhehvel bial zau tak a tuam a, he thil khu lo hip lutte hi an lu a hai bakah an luak bawk. Harsatna tawk hi mi 500 chuang awmin an zingah hian naupang tam tak an tel a, damdawi-inah hruai niin mi 160 chuang chu hospital-ah admit nghal an ni.

Education minister Mazleek Malik chuan lui bul chhehvel biala school 43 awmte chu khar turin Nilaini khan thupek a tichhuak nghal a, nimin khan school dang tam tak khar belh an ni bawk. Bawlhlhawh paihtu nia sawi mi pathum chu man an ni tawh bawk. 



Share this Post

Login to comment
No Comments