Africa-a tuilian vangin mi 115 an thi

Africa chhim chhak lam, Mazambique, Malawi leh South Africa-ah ruah sur nasa avanga tuilianah mi 115 an thi a, mi nuai riat chuangin harsatna an tawk mek niin UN official-te chuan an sawi. 

Mozambique ramah hian tuilian vanga thi hi mi 66 vel an awm a, Malawi-ah 45 leh South Africa-ah mi pali an awm bawk.

Mozambique cabinet thupuangtu Ana Comoana chuan ruah a sur chhunzawm reng avangin sorkar chuan mipuite pawh fimkhur tura a hriattir thu leh, thlipui cylcone Idai pawh a tleh dawn tih hriattir an ni, a ti. Africa ram rethei ber zinga mi, Mozambique ramah hian tulian hian chenna in 5,756 a tichhe tawh a ni.

Malawi ramah pawh tuilian vang hian mi nuai hnih chuang chu chenna nei loin an awm mek niin UN chuan a tarlang. Malawi Mateorological Department chuan ruah hi a la sur chhunzawm dawn a, Pathianni thleng hian an ram chhim lamah tui a len chhunzawm dawn niin a tarlang. 



Share this Post

Login to comment
No Comments