Electricity system tibuaiah puhin Guaido chhui chiang dawn

Venezuela ram pumah kar kalta Ningani aṭanga electricity supply chhiat vanga mipuiten eng an hmuh theih loh hnuah Thawhlehni khan eng hi pekchhuah leh theih ni ta. Hetihlai hian eptu hruaitu Juan Guaido chu electricity system tibuaiah puhin chhui chian a ni dawn tih Attorney General Tarek William Saab chuan a sawi. 

Juan Guaido hi kumin January 23-a Venezuela interim president a a inpuan avangin an ram danpui kalh zawnga thiltia puhin chhui mek a ni bawk. 

Kar kalta Ningani tlai aṭang khan ram pumah electric supply awm loh avangin mipuiten eng an hmu thei lo a, hei hi US aṭanga cybernetics hmanga an ram electric system an beih vang niin President Nicolas Maduro chuan a sawi a ni. Hei vang hian school leh sorkar office-te pawh khar an nih phah a ni. 

Mahse Thawhlehni khan electricity system hi siamṭhat niin, hmun tam zawkah eng pekchhuah theih a ni tawh a, sorkar pawhin power station-ah te venhimna ṭha zawk a kalpui nghal niin Maduro chuan a sawi. 



Share this Post

Login to comment
No Comments