Turkey President-in Israel PM thusawi a dem

Israel Prime Minister Benjamin Netanyahu-an Israel chu Juda-te ram bik a nih thu a sawi chu Turkey President Recep Tayyip Erdogan chuan sawiselin, Netanyahu thusawi duh dan chu chi inthliarna nasa tak a ni, a ti. 

President Erdogan-a thupuangtu, Ibrahim Kalin chuan Israel ramah hian Arab/Muslim maktaduai 1.6 vel an cheng mek a, hetichunga Israel PM-in Juda ram bik a nih tih a sawi chu khawthlang ramte chuan an ngawihsan mai dawn em ni tiin a zawt. 

Netanyahu hian Instagram post-a a comment-naah Israel-a chengte chuan dikna chanvo ang khat vek an nei a, mahse Israel chu a rama chengte zawng zawng ram ni loin Juda bik ram a ni tih a sawi a ni.

Erdogan-a sawiselna hi Netanyahu chuan twitter-ah chhang nghalin, Turkey dictator Erdogan-an Israel democracy a sawisel ngam chu thil nuihzatthlak tak a ni tih a sawi. Israel-ah chuan tumah second-class citizen an awm lo a, Arab citizen-te pawhin dikna chanvo ang khat vek an nei a, mahse Israel chu Juda ram a ni tih a sawi nawn leh. 



Share this Post

Login to comment
No Comments