Hanoi-ah Trump-Kim summit nei dawn

US President Donald Trump leh North Korea hotu Kim Jong-un-ten summit vawi hnihna an neihna tur hmun atan Vietnam khawpui, Hanoi tihfel a ni ta. 

Ram pahnih hruaitute hi February 27-28 hian Hanoi-ah hian an inhmu dawn a ni. Nikum June thla khan Trump leh Kim te hi Singapore-ah an lo inhmu tawh bawk a ni. 

Kar kalta Thawhlehni khan President Trump-an State of the Union speech a neihah Kim nen hian Vietnam ramah an inhmuh tur thu a sawi a, mahse a hmun tak erawh a sawilang lo. Zirtawpni zan khan summit neihna tur hmun atan hian Hanoi thlan a ni tih US sorkar chuan a tichiang ta a ni. 

Hanoi hi kum 1965-1973 inkara indona a thlen laia communist North Vietnam khawpui a ni. He indona hi America lam chuan 'Vietnam War' tiin an sawi a, Vietnam lam chuan 'American War' tiin an sawi thung. 

Hruaitu pahnihte summit neih tur buaipui hian US palai Stephen Biegun chu North Korea-ah ni thum a cham a, NKorea official Kim Hyol-chol a hmu a ni. An pahnih hian summit neih hma hian a inhmu leh ang. 



Share this Post

Login to comment
No Comments