AP: Pakistan spy nia rinhleh man

Arunachal Pradesh-a thingtlang khaw pakhatah Pakistan spy ni ngeia hriat mi pakhat man a nih thu Police-te chuan an sawi.

An mi man hi Nirmal Rai, Assam-a Tinsukhia district mi a nih thu leh Kibithu leh Dichu thingtlang khuaah Sipaite bulah puakphur angin a thawk ṭhin tih an sawi bawk.

Military intelligence-te chuan hunrei tak an enthlak hnuah Kibithu khuaah hian an man a, rei tak enthlak a nih hnuah an man ta niin an sawi. Police kutah hlan nghal niin  Official Secrets Act leh Indian Penal Code Section 120B hnuaiah thubuai an zuaklut a ni. A phone-ah confidential document leh Sipai lakluh lai thlalak leh lei eng emaw zat an hmu bawk a ni.

An chhuichhianna aṭangin Nirmal Rai hian Dubai-a cheng nu pakhat leh Pakistan mi pakhat, Inter-Services Intelligence (ISI), Islamabad spy agency-a inhnamhnawihna nei-te a bepawp ṭhin tih hriatchhuah a ni bawk.

Thudawnna in a tarlan dan chuan Rai hi Dubau-a buger dawra a thawh laiin amah la tu nen hian an intawng a, ISI agent hian thlalak dan leh thu inhlanchhawn dante a zirtir ve leh thung.

Chhuichiangtute chuan Rai hian thu pawimawh tak tak, Army profile, ralthuam chungchang leh Kibithu-a ralthuam dahṭhatna hmun chungchangte a handler hnenah a hrilhchhawng ṭhin niin an sawi.



Share this Post

Login to comment
No Comments