Mike Pompeo-an Iraq a tlawh

US Secretary of State Mike Pompeo chuan Nilaini khan puangzar lawk loin Iraq a tlawh a, Baghdad-ah Iraq official-te a kawm. 

Pompeo hian Amman aṭangin Iraq hi a pan a, Cairo, Manama, Abu Dhabi, Doha, Riyadh, Muscat leh Kuwait City-te a tlawh dawn bawk a ni. Pompeo hian Middle East-a an thawhpui ramte chu Iran leh Islam firfiakte chungchang a sawipui dawn a ni. 

US President Donald Trump chuan nikum December 26  khan Iraq khawthlang lam, Al-Asad Air Base-a US sipaite chu a tlawh a, mahse hemi ṭum hian Iraq official-te tumah a hmuh loh avangin sawisei pawh a hlawh zui hle. Iraq Prime Minister Adel Abdel Mahdi nena an meeting neih tur pawh ṭhulhin, phone-in an inbe zawk a ni. 



Share this Post

Login to comment
No Comments