Japan sorkarin sipaite hman turin thliarkar lei dawn

Japan sorkar chuan an ram chhimthlang lam, Kagoshima-a thliarkar pakhat chu an ram sipaite leh US sipaiten carrier landing an zirna atan a lei dawn. 

Sorkar thupuangtu chuan hemi chungchang hi Nilaini khan sawiin, Kagoshima-a Tanegashima Island aṭanga khawthlang lam km 12 vela hla, Mage Island chu March thla khian lei an tum tih sawiin, he hmunah hian US military drill pawh neih a ni dawn a, Japan Self-Defence Forces (SDF) operation neihna atan pawh hman zui a ni dawn tih a sawi. 

Chief Cabinet Secretary Yoshihide Suga chuan thliarkarah hian a rang thei angin permanent facility siam an tum tih a sawi. Hetihlai hian sorkarin Mage Island-a SDF base siam a tum hi a ṭhenawm Tanegshima Island-a chengte chuan an sawisel thung a, sipai  kaihhnawih thil hrang hrang leh noise pollution thlengin a tibuai pha dawn niin an sawi a ni. 



Share this Post

Login to comment
No Comments