Bangladesh-in Myanmar minister laka action lak phut

Bangladesh chuan Myanmar religion minister Thura Aung Ko Said chu Rohingya Muslim-te chungchang a sawi danah an dem thu sawiin, a laka action lak an phut thu an rama Myanmar ambassor an hriattir. 

News website NewsWatch-in video a tihchhuahah, Myanmar religion minister hian Myanmar aṭanga Bangladesh-a tlanchhia, Rohingya Muslim-te chu Myanmar laka an lungawi lohna lantir tura fuihin an thluak suksak an ni tih a sawi a ni. 

Bangladesh foreign ministry official chuan Myanmar minister thusawi duh dan hi an demthu sawiin, Muslim-te rilru a ti na tih a sawi. Bangladesh chuan helna lam hawi chi reng reng a duh lo tih a sawi a, hetiang zawnga che turin tumah a fuih ngai lo a ni, a ti. Myanmar chuan Rohingya te hi khua leh tui nihna pein, an ram leh lote pekir leh dawn se chuan lawm takin Myanmar ramah hian an kir leh dawn niin a sawi. 

Myanmar-a Rakhine state-a sipaiten nikum August thlaa beihpui an thlak hnuah Rohingya mi nuai sarih chuang hi Bangladesh ramah an tlanchhia a, tun thlengin refugee camp tawt tak takah an la khawsa mek a ni. 



Share this Post

Login to comment
No Comments