US President hlui George HW Bush vuiliam a ni ta

US President hlui George HW Bush chu an ram huna Nilaini-ah khan Washington-ah ram chawimawina nen vui a ni a, hemi hnu hian an khua Houston, Texas-ah a ruang hi lain  vuina hun hman nawn leh a ni ang. 

US President 41-na, kum 1989-1993 chhunga president dinhmun chelhtu hi kar kalta Zirtawpni khan kum 94 mi niin a thi a ni. 

Nilaini-a Washington DC-a National Cathedral-a President hlui vuina inkhawmah hian sawmbikte chauh an tel. Vuina inkhawm hmanpuitu zingah hian US President Donald Trump-te nupa bakah, president hlui la dam laite leh an nupuite an tel kim a ni. Ram dang hruaitu zingah Prince of Wales, German Chancellor Angela Merkel leh Jordan lal King Abdullah II te pawh an tel. 

US ram pumah Nilaini kha President hlui Bush-a sunna ni atan hmana ni a, sorkar office te bakah US stock exchange-te pawh khar an ni. 

Washington-a vuina inkhawm hman zawh a nih hnuin Bush-a ruang hi Houston, Texas-ah lak a ni. A kuang hi Ningani zing thleng khan St Martin's Episocpal Church-ah dah niin, he hmunah hian a vuina inkhawm buatsaih a ni dawn a, hemi hnu hian George HW Bush hi presidential library-a a nupui, Barbara Bush-i thlan bulah phum a ni ang. 



Share this Post

Login to comment
No Comments