Russia President-in missile siamah vau

Russia President Vladimir Putin chuan US chu inremna an lo siam tawh, Intermediate-range Nuclear Forces (INF) Treaty an siam aṭanga a inhnuhdawh chuan Russia chuan missile a siam dawn niin a sawi. 

President Putin chuan NATO-in treaty bawhchhiaa Russia a puhna a chhannaah hei hi sawiin, inremna hi an bawhchhiat loh thu leh, hetianga an puhna chhan hi  he inremna siam tawh aṭanga US a inhnuhdawh theihna tur remchang an siamsakna mai niin a sawi a ni. 

Intermediate-range Nuclear Forces (INF) Treaty hi kum 1987-a US leh USSR in an ziah a ni a, he inremna hnuaiah hian ram pahnihte chu medium-range missile hman khap an ni. 

President Putin chuan TV-a thu a sawiah,  INF treaty hnuaiah ramdang eng emaw zat chuan ralthuam an siam niin a sawi a, inremna an siampui America pawhin thil awmdan a inthlak danglam tawh niin a ngai a, hei vang han ralthuam pawh hi an siam ngei nia a rin thu a sawi. Hei vang hian anni pawhin an tih ve mai a ngai dawn niin a sawi. 

US President Donald Trump chuan Russia thiltih dan avangin inremna an siam hi an chhuahsan mai a ngai dawn niin a lo sawi tawh a, NATO foreign minister-te pawhin thuchhuah siamin Russia chaun INT treaty bawhchhia in missile sytem a siam a, hei hian Euro-Atlantic himna pawh a tiderthawng thei niin an sawi a ni. NATO member ramte chuan US-in inremna a bawhchhia Russia a puhna chu an thlawp thu an sawi a, Russia chu inremna thuthlung siam tawhte zawm tura an phut thu an tarlang. 



Share this Post

Login to comment
No Comments