Pentagon-in Mexico border-ah sipai dah chhunzawm remti

US Defence Secretary Jim Mattis chuan US chhim lama Mexico ramri-ah nakkum January 31 thlenga sipai dah chhunzawm a remti. 

Department of Homeland Security chuan Mexico ramri-a venhim hna thawk tura sipai dahte awm hun hi ni 45 chhung pawhsei a dil a, hei hi Mattis chuan a lo remti a ni. Ramri-a sipai dah belhte hian ramri hung wire barrier siam leh enkawl bakah border patrol agent-te venhim hna an thawk a, California, Arizona leh Texas-ahte dah an ni. 

US President Donald Trump chuan October thla aṭanga Central America aṭanga US pemluh tuma mi tam takin US ramri an pan avang hian dan loa luh tumte lo dang tur hian ramri-ah sipai a dahbelh tir tawh a ni. US-a luh tumte hi ni eng emaw zat chu Mexico lam ramri-ah an awm tawh a, nitin ramri bul hi thlen belh an awm zel a ni. Rights group ṭhenkhat chuan US thuneituten an dilna an ngaihtuah chhung hian pem luh tumte hian thla hnih vel an nghah a ngai dawn niin an sawi a, an dilna ngaihtuah chhung hi timuangchangah US sorkar chu an puh bawk. Mahse US chuan he puhna hi a pha thung. 



Share this Post

Login to comment
No Comments