Cameroon naupang rukbote chhuah

Cameroon-a school naupang rukbo 78 te chu nimin khan chhuah an ni a, an zirtirtu pahnihte erawh chu hren an la ni. 

Thawhṭanni khan Cameroon-a English hmanna bial, Bamenda-a Presbyterian school-a zirlai, mipa naupang kum 10-14 inkarte chu independence sualtu helhoin an ru bo a ni. Naupangte rual hian school driver, principal le zirtirtu pakhat an man tel bawk. 

Cameroon sipaite chuan rukbote chhanchhuah an nih theih nan hian theihtawp an chhuah a,  kohhran hruaituten helho hi inbiakna an neihpui bawk a ni. Presbyterian Church pastor, Samuel Fonki chuan nimin khan naupang 78 leh driver chu chhuah an nih thu sawiin, principal leh zirtirtu pakhat chu an la hreng a, an ni pawh chhuah zalen an nih thuai theihna atana ṭawngṭai pui turin mipuite a ngen. 



Share this Post

Login to comment
No Comments