France President beih tuma rinhlelh mi paruk man

France police-te chuan Thawhlehni khan an ram President Emmanuel Macron beih tuma rinhlelh mi paruk an man a, an zingah hian hmeichhe pakhat a tel. 

France spy agency (DGSI) chuan intelligence report aṭangin president laka tharum thawhna thlen tuma ruahmanna a awm thu sawiin, hmun pathum dap turin thupek a tichhuak a ni. Police-te chuan hmun pathum aṭanga an mi man parukte chu radical far right member an nih thu an sawi a, an mimante ho hian inzawmn an nei em tih chu hriatchian a la ni lo. 

President Macron hian Pathianni-a interview a neihah Europe ram hrang hrangah far-right movement-te hlauhawm thu sawiin, hetianga chetna ngaihthahna chuan kum 1930 chhoa Germany-a Hitler leh Italy-a Mussolini-te rawn chet chhuahna kawng a lo hawng tawh a ni, a ti 

June thla khan France radical far right nena inzawmna nei mi 10-te chu firfiak pawl nena inzawmna neia rinhlelh an nih avangin chhuichian an ni.



Share this Post

Login to comment
No Comments