November 6 hnu lamah US-NKorea summit nei dawn

US President Donald Trump chuan North Korea hruaitu Kim Jong-un nena summit meeting an neih leh tur chu November 6-a US midterm election zawh hnuah a nih tur thu a sawi. 

Iowa-a political rally nei tura a kalnaa chanchinthar lakhawmtute kawmin President Trump chuan midterm election an neih dawn avangin a zinchhuak thei lo tih a sawi a, hei vang hian summit pawh inthlan neih zawhah a ngai tih a sawi. 

US Secretary of State Mike Pompeo chuan kar hmasa khan North Korea hi tlawhin Kim Jong-un nen an inkawm a, inbiakna ṭha tak an neih thu leh, summit neih lehna tur pawh hmun li vel an sawidun thu a sawi a ni. Pompeo chuan summit neih leh tur chungchangah ram pahnihte chuan inremna an siam fel dawn tawh tih a sawi. Kim hian NKorea-a Punggye-ri nuclear site an tihchhiat tak leh Sohae missile engine test facility enfiah tura international inspector an kal pawh a remti tih a sawi bawk. 



Share this Post

Login to comment
No Comments