Israel-in US hnenah vehicle defence system hralh dawn

Israel military system Trophy chu US sipaite hman turin leitir a ni dawn a, hemi atan hian US dollar maktaduai 500 hu inremna an siam. 

Trophy system hi missile leh mortar shell lak aṭanga sipai motor-te venhimna tur a ni a, Israel hmarlama technology company, Rafael Advance Defence Systems siam a ni. US Army chuan nikum June thla khan an Abram tank-te venhimna turin dollar maktaduai 193 man Rafael system unit hian lo order tawh a, a dang an order belh leh dawn a ni. 

Rafael hian US army hnena hralh tur Trophy light version siam a tum leh mek a, hei hi armored personnel carrier Bradley leh Stryker tana hman tur chi a ni ang. Kumin September thla khan Rafael chuan he system hi Bradley motor-ah a lo enchhin tawh a ni. 



Share this Post

Login to comment
No Comments