Guatemala VP hlui jail-ah tang

Guatemala court chuan an ram vice president hlui Roxana Baldetti-i chu 'Magic Water' scandal kaihhnawihah kum 15 leh thla ruk jail tang turin a hrem. 

Prosecutor-te chuan VP hlui Roxana Baldetti-i hian an rama lui thenfaina tur siamna tura sorkarin sum a dah dollar maktaduai tel a tichingpen niin an sawi. Lui thenfaina solution siamna tur inremna hi a nuṭa, official post pawh nei lo Mario-an a siam a, ani pawh hi kum 13 tang turin hrem a ni bawk. 

Judge Pablo Xitumul chuan Baldetti-i hi he scheme kalpuina tura a bultumtu ber a ni tiin, Israel company hnenah Amatitlan Lake thenfai hna thawhna turin dollar maktaduai 18 pek a remti a ni, a ti. Mahse lui thenfaina atana chemical hman hi tui pangngai leh chi hmanga siam mai nia sawi a ni. 

Kum 2015 khan eiruk duh lohna lantira nasa taka nawrh huaihawt a nih avangin Baldetti hi a ban phah a, thubuai hi siamsak a ni zui a ni. Prosecutor-te chuan Baldetti leh hetihlai a president Otto Perez Molina te chu eiruknaa hian inhnamhnawihah an puh a, kum 2015-a President term a hman zawhah Molina hi man zui niin, a thubuai ngaihtuah hun tur a nghak mek a ni. Mahse an pahnih hian an puhna hi thu dik lo niin an sawi thung. 



Share this Post

Login to comment
No Comments