California ram kang vanga thi 11 tling tawh

US-a California state-a ram kang vanga thi chu Nilaini thleng khan mi 11 an tling tawh. Kangṭhelhtu sang telin ramkang ṭhelh mih tumin theihtawp an chhuah mek a ni. 

California hmarlama ram kang pahnih, Mendocino Complex Fire tih hian kar hnih pawh tling lo chhungin ram acare 300,000 chuang a kang chhe tawh a, a ram kan chhiat hi Los Angeles khawpui tiat zet a ni tawh bawk. Kum za chuang hnua California rama ram kang thlen nasat ber ṭum a ni. 

Ram kang ṭhelh hna hi  kangṭhelhtu 14,000 velin an thawk mek a, Australia leh New Zealand aṭang te pawhin puitu tirh an ni. Ram kang zinga 34% chu an thunun thei tawh a ni. Kangṭhelh nan hian helicopter bakah thlawhtheihna lian, DC-10 pahnih leh 747 jumbo jet-te hman tel an ni. 

Mendocino Complex Fire hian in building 143 a kang chhe tawh a, heng zinga 75 chu mihring chenna in a ni. Building dang 11,000 pawh dinhmun hlauhthawnawm takah an awm mek nin CalFire chuan a tarlang. 



Share this Post

Login to comment
No Comments