Brazil inthlan turah President hlui Lula-an hma hruai

Brazil ram president thlan tura Sao Paulo state mipui ngaihdan lakah eiruk thubuai vanga jail-a tang mek, president hlui Luiz Inacio Lula da Silva chuan hma a hruai. Sao Paulo state hi mipui tamna ber state mipuite vote hian inthlanah pawh nghawng a nei hle a ni. 

Mipuite ngaihdan lakah Worker's Party candidate Lula hian president atana duhtu 21.8% a nei a, conservative Social Liberal Party candidate Jair Bolsanaro chuan 18.4% hmuin, Sao Paulo governor hlui leh Social Democracy Party candidate Geraldo Alckmin chuan vote 14% a hmu. Duh thlan tur hre lo 26.8% zet an awm thung. 

Lula hi jail a tang chungin Brazil mipuiten president atana an duh ber a la ni reng tho a ni. Eiruk thubuaiah thiam loh chantir anih avangin kum 12 tang tura hrem a ni. Lalu chuan an puhna hi thu dik lo nia sawiin, a thubuai hi ngaihtuah ṭha turin a appeal mek a ni. 

Brazil ram danah thiam loh chantirte chu inthlana an chuh khap a ni a, mahse Worker's Party (PT0 chuan president candidate atan hian an ruat lui tho a ni. Hemi rual hian backup candidate atan education minister leh Sao Paulo mayor hlui Fernando Haddad an ruat tel bawk. 



Share this Post

Login to comment
No Comments