Israel-in Gaza hmun 12 bei

Israel sipaite chuan Nilaini khan Gaza Strip a firfiak pawl hmun 12 an bei. 

Israel sipai thupuangtu chuan thuchhuah siamin, Gaza aṭanga rocket 36 hmanga Israel beih a nih hnuah Gaza hi an bei let ve nghal tih sawiin, firfiak ho concrete factory leh tunnel te an tichhia niin a sawi. Gaza aṭanga rocket kahchhuah zinga pariat hian Sderot khaw chhim lama fuhin, mi parukin hliam an tuar a ni. Thawhlehni khan Palestinian firfiak pawl, Hamas sniper pahnih chu Israel sipaiten Gaza-ah an kaphlum bawk. Sipaite chuan Israel civil mi emaw, Israel Defence Force emaw beihna chu eng kawng mahin an ngaizam mai dawn lo tih sawiin, Hamas te nasa zawka bei let tur hian an inbuatsaih niin an sawi. 



Share this Post

Login to comment
No Comments