Bangladesh writer lar kaphlum

Bangladesh rama lehkha ziaktu lar leh publisher, Shahzahan Bahchu chu Thawhṭanni khan mi tu tih hriat lohin Munshiganj district-a Kakaldi-ah a kap hlum. 

Kum 60 mi Shahzahan Bachchu hian publishing house, 'Bikasha Prokashoni' a nei a, poetry a tichhuak ṭhin. Hei bakah hian sakhaw zalenna chungchangte huaisen takin a ziak ṭhin bawk. Thawhṭanni khan a chenna in bula dawr pakhata a ṭhiante hmu tura a kal chu motorcycle pahniha chuang mi panga-ten dawr bulah hian crude bomb tipuakin, Shahzahan hi dawr aṭangin an hnuk chhuak a, an kaphlum a ni. 

Eng pawl mahin he pawikhawihna thleng hi an tih niin an la chhal lo a, mahse police official-te chuan Islam firfiakten an inrawlh an rin thu an sawi. 

Bachchu hi Communist Party of Bangladesh-a district general secretary hlui a ni a, free-thinking writer tia sawi ṭhin a ni. Bangladesh ramah hian sakhaw zalenna chungchang sawichhuaktu writer, blogger, online activist leh publisher-te chu Islam firfiakten an bei fo a ni. 



Share this Post

Login to comment
No Comments