Myanmar-ah Roghinya raltlan hruai kir ṭan

Myanmar sorkar chuan Bangladesh-a tlanchhia, Rohinga muslim zinga chhungkaw khat chu hruai kir an ni tawh tih sawiin, sorkarin an awmna tur camp a siamah awmin ID card bakah an mamawh dangte pawh pek an ni, a ti. 

Nikum August thlaa Myanmar sipaiten Rakhine state-a Rohingya hel lakah beihpui an thlaknaah, civil mite pawh an bitum tel avangin Rohingya mi nuai sarih dawn chu Bangladesh ramah an tlanchhia a ni. Myanmar sorkar chuan security force-te beitu helho an bei niin sawi mah se, ram hrang hrang leh UN chuan Myanmar-in dan loa an rama awm nia a puh, Rohningya Muslim-te thenfaina hmanrua atan a hmang niin an puh a ni. 

Ram hrang hrangten an nawr hnuah, Myanmar chuan raltlante hruai kir leh tur hian Bangladesh sorkar chu inremna a siampui a, hruai kir hna pawh kalpui thuai a nih tur thu a sawi tawh a ni. Inrinni khan member panga awmna chhungkaw khat chu an kir ta niin a sawi a, hei hi raltlan zinga kir leh hmasa ber an ni. Mahse raltlan kir nia sawi hi an thlalak leh thildang finfiahna hmuh tur a la awm lo a, UN chuan a dik ngei em tih a la fiah dawn a ni. 



Share this Post

Login to comment
No Comments