LeT an phel, Amir Hamza-an pawl thar a din

Pakistan sorkarin firfiak-a a puan, Jamaat-ud-Dawah (JuD) hotu, Hafiz Saeed-a pawl din Lashkar-e-Toiba (LeT) chu an phel nia sawi a ni. 

Pakistan sorkarin Saeed-a pawl, JuD hi firfiak pawla puang a, ṭanpuina sum pek a khap tak avangin JuD leh a hnuaia pawlte hian sum lamah harsatna an tawk chho a, hei vang hian LeT hi pawl pahnihah a phel phah nia sawi a ni. LeT dintu zinga mi leh Saeed-a thawhpui hnai tak, Maula Amir Hamza chu LeT aṭanga inlachhuakin, pawl dang Jaish-e-Manqafa a din a ni. 

26/11-a firfiakten Mumbai an beihnaa mawhphurtu bera puh, Hafiz Saeed leh Maulana Amir Hamza te hi inpawh leh inhnaih tak an ni a, Hamza hian Jamaat-ud-Dawah leh Falah-e-Insaniat (FIF) enkawlna tur sum hi Saeed-a hnen aṭang hian a dawng ṭhin. 

Pakistan sorkar chian Saeed-a pawl JuD leh FIF hi firfiak pawlah puangin, mimal leh company-ten ṭanpuina an pek ṭhin pawh a khap a, hei bakah hian JuD leh FIF enkawl charity-te pawh an kut aṭangin a laksak tawh bawk. Paksitan ram chhunga an pawl hminga an thil neihte chu Anti-Terrorism Act, 1997 hmangin khawih chet theih lohin hreksak an ni tawh bawk. 



Share this Post

Login to comment
No Comments