IAEA hotuin Pakistan a tlawh

International Atomic Energy Agency (IAEA) Director General Yukiya Amano chu ni thum cham turin nimin khan Pakistan-ah a zin. 

Yukiya Amano hian Pakistan-a Pakistan Atomic Energy Commission (PAEC) centre hrang hrang, Islamabad, Faisalabad leh Karachi amite a tlawh ang. Nuclear watchdog tia hriat lar, IAEA hi nuclear field lama thawhhona international center a ni a, nuclear technology-te a him leh muanawm zawnga hman a nih theihna tura hmala tu niin, member leh thawhpui ram tam tak a nei a ni.

Amano hian  Pakistan-a a cham chhung hian Pakistan hruaitu pawimawhte kawmin, IAEA leh Pakistan-te thawhdunna tur kawng hrang hrangte an ngaihtuah dawn niin PAEC thuchhuah chuan a tarlang. Pakistan hi IAEA dintu zingah a tel a ni. 

Tun ṭum hi Yukiya Amano-an IAEA hotu a nih anga Pakistan a tlawh ṭum hnihna a ni a, kum 2014 March 10-12 inkar khan Pakistan hi a lo tlawh tawh a ni. 



Share this Post

Login to comment
No Comments