Russia-in hypersonic missile a enchhin

Russia chuan Pathianni khan hlawthling takin Kinzhal hypersonic missile a enchhin tih a sawi. 

President Vladimir Putin chuan tun thla tir lam khan ralthuam thar eng emaw zat a lo tlangzawrh tawh a, heng zingah hian Kinzhal missile pawh hi a tel a, duhthusam a nih thu a sawi a ni. Defence ministry chuan Pathianni khan South Military District-ah high-precision Kinzhal (Dagger) missile hi MiG-31 supersonic interceptor jet aṭanga kahchhuah a nih thu sawiin, a target a fuh niin a tarlang. Missile kahchhuah a nih lai video footage pawh hi ministry chuan a tichhuak a ni. 

Kinzhal missile hi ri kal chak lam aiin a let 10-a chakin a thlawk a, mel 1,200 chin kap phain America air-defence system pawh paltlang thei tura duan a ni. December 1 khan he missile hi Southern Military District-ah hian dah a lo ni tawh a ni. 



Share this Post

Login to comment
No Comments