NKorea palaite an ramah kir

South Korea rama ni thum an cham hnuah North Korea high official-te chu Pathianni zan khan an ramah an kir leh ta. 

North Korea official-te hi Pathianni zan, dar 10.24 khan South Korea khawpui, Seoul khaw daia Incheon International Airport aṭangin an ram panin an haw a ni. Airport-ah hian South Korean Unification Minister Cho Myoung-gyon chuan NKorea palaite hi a thlah a, an zingah hian Kim Jong-un-a farnu Kim Yo Jong pawh a tel a, Kim-i hi Workers' Party of Korea Central Committee-a first vice director nilai a ni. NKorea palaite hi Presidium of the Supreme People's Assembly president Kim Yong Nam-an a ho a, palai zingah hian National Sports Guidance Committee chairman Choe Hwi bakah Committee for the Peaceful Reunification of the Fatherland chairman Ri Son Gwon-te pawh an tel.

Zirtawpni-a Pyeongchang-a Winter Olympics hawnna inkhawmah NKorea palaite hi an tel a, Inrinni khan Seoul-a presidential complex-ah South Korea President Moon Jae-in hmuin chaw chhun an kilho bawk. Kim Jong-un-an an rama zin tura President Moon a sawmna lehkha pawh a farnu Kim chuan SKorea president hi a pe a ni. 



Share this Post

Login to comment
No Comments