Israel leh Palestinian-ten inremna siam tum tak tak lo : Trump

US President Donald Trump chuan Israel leh Palestinian-te chuan remna leh muanna siam an tum tak tak lo nia a lan thu a sawi. 

President Trump chuan Israel-Palestinian inkara inremna a awm theih nana US-in hma a lak tum dan a sawilang duh rih lo a, thil awmdan chu an ngaichang phawt dawn niin a sawi. 

Trump chuan, "Tunah tak hi chuan Palestinian-te hian inremna siam lam kawng an ngaihtuah lo a, Israel pawh hian hei hi a ngaihven lo niin a lang..Eng nge lo thleng dawn tih kan lo thlir mai a ngai a ni", a ti. 

Nikum December thlaa President Trump-an Israel khawpui atana Jerusalem a pawm thu a puan avangin a chungah Palestinian lam an lungawi lo hle a, Israel-Palestinian inremna a awm theihna tura palai hna thawk tura pawh an rin ngam tawh lo thu an sawi a ni. 



Share this Post

Login to comment
No Comments