China-in France bawngsa lakluh khapna titawp

China chuan kum 2001-a France ram aṭanga bawngsa lakluh khapna thupek a siam chu a titawp.

China rama ni thum chama zin, France President Emmanuel Macron leh China President Xi Jinping-ten inbiakna an neihah he khapna thupek titawp tur hian inremna an siam a ni. France bawngsa lakluh khapna tihtawp a nih tak avangin, France rama bawngsa siamtute chu thla ruk chhungin China ramah an thlawh luh phalsak an ni tawh dwan a ni. China hian bawng natna hri leng vangin Europe ram hrang hrang aṭanga bawngsa lakluh hi a lo khap a, a hnuah US aṭanga lakluh pawh a khap zui ve leh a ni. 

China hi bawngsa lalut ram lian pahnihna niin, kum khatah ton maktaduai 1.1 dawn a lalut. Chawhrualin China mi pakhat hian kum khatah bawngsa kg 4 zel ei ang an nih thu  Organization for Economic Cooperation and Development chuan a sawi. Tuna a bawngsa laluh zinga 90% hi Brazil, Uruguay, Australia leh New Zealand ami an ni. 



Share this Post

Login to comment
No Comments