Yemen mipuiten ṭam an tuar mai hlauhthawnawn

United Nations humanitarian coordinator Jamie McGoldrick chuan Yemen tualchhung indona thleng meka inhnamhnawih pawl hrang hrang chu indona tuartu mipuite tana chhawmdawlna pek phalsak turin a ngen a, Yemen mipuite chu ṭam tuar mai hlauthawnawmin an awm mek a ni, a ti. 

Jamie McGoldrick chuan Yemen mipui, maktaduai riat vel chu ṭam tuar thei dinhmunah an awm ding mek a, heng mite hian damdawi, tui thianghlim, awmna tur leh ei tur ṭha pek thuai an mamawh tih a sawi. 

Saudia Arabia kaihhruai ṭangrual ramte chuan October thla aṭanga Yemen kalpawhna kawng hrang hrangte an dan avangin Yemen mipuite hian dinhmun harsa tak an tawk mek a ni.  Ram hrang hrangten an nawrna avangin Saudi Arabia hian November chawlhkar hnuhnung berah khan chhawmdawlna leh a thawktu ṭhenkhat chu an luh a phalsak a ni.

Saudi Arabia chuan Houthi helhoin Iran aṭanga ralthuam an lakluh tur venna atang kawng hi a dang niin a sawi a, mahse boruak, tuipui leh khawmual aṭanga Yemen kalpawhnate a danchah vek avangin mipuiten harsatna nasa tak an tawk mek a ni. Fuel, ei tur leh damdawi-te an tlachham ṭan a,  nitinin an harsatna tawh hi a zual zel a ni. 

Yemen tualchhung indona thleng vang hian mi 10,000 chuang an thi tawh a, mi maktaduai thum vel chu hmun him lamah an tlanchhe tawh bawk. 



Share this Post

Login to comment
No Comments