Nepal-in a ramri khar

Nepal chuan vawiin hian parliamentary leh provincial election thawh hnihna a nei dawn a, hei vang hain India nena an inri-na te chu nimin aṭang khan darkar 72 atan a khar. Inthlan thawh khatna hi November 26 khan neih a lo ni tawh a ni. 

Sorkar hotute chuan security official-te meeting a neihpui hnuah ramri khar hi a rel a ni. Inthlan thawh hnihna hi district 45-ah neih a ni ang. 

Ramri khar a nih vang hian Kakarbhitta border point-ah mi eng emaw zat an tangkhang a, an zinga Nepali citzenship leh identity card neite chauh Nepal ramah luh phalsak an ni. Hetih lai hian India lam pan turte tan erawh ramri hi hawn a ni tho niin police officer Tanka Bhattarai chuan a sawi. Inthlanna felfai tak a awm theih nan Nepal Army, Nepal Police, Armed Police Force leh National Investigation Department chu polling booth awmna hmun hrang hrangah duty tir an ni. 



Share this Post

Login to comment
No Comments