Diabetes vangin Mexico-ah mi nuai khat chuang thi

Mexico Health Minister Jose Narro chuan kum 2016 khan Mexico-ah diabetes natna vangin mi 105,500 an thi a, thi zat hi a kum hmasa aiin 7,000 in an tam tih a sawi. 

Minister chuan vawiin hian an ram pumah World Diabetes Day hman a ni dawn a, thau lutuk leh a kaihhnawih natna hrang hrang do let tura mipuite chu physical activity leh sports lam uar tura fuih an nih tur thu a sawi. Narro chuan thau lutuk hian natna hrang hrang - diabetes, hypertension, kidney failure leh natna dangte a thlen thei a ni, a ti. Ni khat thil lekah exercise lak ṭhin chu a tawk lo a, awmze nei tura lak chhunzawm reng a ngai tih a sawi. 

Organization for Cooperation and Economic Development (OECD) in report a tihchhuahah, Mexico chu ram hrang hrang zinga thau lutuk, overweight rate sanna ber a nih thu a tarlang. OECD chuan Mexico mipui zinga 33.3 chu an nihphung tur aia thau an nih thu a tarlang a, heng zingah hian kum 12-19 inkara overweight awm zat chu  35% a tling a ni. 



Share this Post

Login to comment
No Comments