UNSC-in Yemen-a party te inbe turin ngen

United Nations Security Council chuan Yemen-a party hrang hrangte chu an rama tualchhung indona thleng mek tihtawp a nih theih nana inbiakna awmze nei tak nei turin a ngen. 

UNSC member-te chuan Yemen tualchhung buaina chinfel chu an duh thu sawiin, buaina chinfelna kawng awmchhun chu party hrang hrangten inbiakna an neih a, hma an lak a ngai a ni, an ti. Buaina chhuahna biala chengte himna an ngaih pawimawh thu an sawi bawk. 

Kum 2015 aṭang khan Yemen-ah hian tualchhung indona a thleng a, an ram khawpui Sanaa-a inkhuar, Houthi hel leh Aden-a President Abdrabbuh Mansur Hadi sorkar sipaite an inbei reng a, hei bakah hian Arabian Peninsula-a al-Qaida leh Islamic State (IS) firfiakten pawikhawihna an thlen fo bawk a ni. 

UNSC chuan Congro rama UN mission beih anih avanga UN sipai pahnih thah an ni leh, midang 18 in hliam an tuar chu an dem thu a sawi bawk. Thawhṭanni khan Congro-ah UN base hi beih a ni a, Tanzanian peacekeeper pahnih an thi a ni. UN member-te chuan sipai thi chhungte leh Tanzania sorkar bakah, Congo-a UN base beih tawk te chu an tawrhpui thu an sawi. 



Share this Post

Login to comment
No Comments