US-in Rohingya-te beihna titawp turin Myanmar ngen

US chuan Myanmar rama Rohingya Muslim-te beih an ni chu titawp turin Myanmar sorkar a ngen a, he thil thleng hian Myanmar security force-te'n civil mite humhim hna an thawk lo tih a tilang a ni, a ti. 

White House chuan thuchhuah siamin, Myanmar security force-te chu dan zah a, tharum thawhna titawp a, civil mite tlanchhiat ngai khawpa siam lo tura a ngen thu a tarlang. United Nations human rights official chuan Myanmar sorkar chu a ram chhunga Rohingya Muslim-te thenfai hna thawkah a puh a, August thla aṭang khan sipaiten Rohingya-te laka beihpui an thlak avangin mi sing tel chu Bangladesh ramah an tlanchhe tawh niin a sawi. 



Share this Post

Login to comment
No Comments