THAAD system duh loten dodalna lantir zel

US leh South Korea-te'n North Korea ramri bula missile defence system, U.S. Terminal High Altitude Area Defense (THAAD) system a dah duh lohtute chuan dodalna an lantir chhunzawm zel. 

SKorea chhim chhak lam, North Gyeongsang province-a Soseong-ri khuaa chengte chuan THAAD system dah hi an duh lo hle a, Thawhlehni khan anti-THAAD association chuan press conference neiin dodalna lantir chhunzawm zel an tum thu an sawi.

Anti-THAAD association chuan US chuan missile defence system dah tur hian SKorea chu a nawr lui niin an sawi. Soseong-ri khuaa golf course hluiah hian April 26 khan THAAD luancher pahnih leh equipment ṭhenkhat dah a ni a, September 7 khan mobile launcher pali leh THAAD element ṭhenkhat duh belh leh a ni. THAAD battery chu hman theih thuai a ni dawn nia sawi a ni bawk. 



Share this Post

Login to comment
No Comments